Bamwe mu bakingiwe Covid-19 mu Rwanda barabapimye bayibasangamo

Ikigo gishinzewe ubuzima mu Rwanda cyatangajeko mu bipimo kimaze iminsi gikora ku bantu batandukanye barimo n’abamaze gukingirwa covid-19 cyasanze hari abanduye iki cyorezo kandi baramaze gufata urukingo.

Mu mibare iki kigo cyashyize hanze kivuga ko mu bantu 1000 bapimwe hifashishijwe amaraso yo ku rutoki, (ubu bwoko bwo gupima bushobora no kugaragaza uwarwaye Covid-19 ariko akaba yarayikize). muri aba bantu bapimwe basanze 116 baranduye Covid-19 muri abo harimo 43 banduye kandi barakingiwe.

Usibye ibi bipimo byafashwe hakoreshejwe amaraso yo ku rutoki hanapimwe kandi abandi bantu 2000 hakoreshejwe uburyo busanzwe muri bo basanga abantu 10 gusa aribo banduye Covid-19.

Aba bantu bose bapimwe mu minsi itatu kuva taliki ya 19 kugeza kuya 19 Gicurasi, ni abo mu mujyi wa Kigali no munkengero zawo bakaba barapimwe babasanze mu modoka rusange,izabo bwite ndetse n’abamotari.

Umuyobozi w’ikigo gishinzwe guteza imbere ubuzima mu Rwanda RBC Dr. Nsanzimana Sabin, avuga ko abantu bakingiwe basanze bafite ubudahangarwa bw’umubiri kuri Covid-19.

Kugeza ubu mu Rwanda abanduye Covid-19 ni 26601 hakaba ahamze gukingirwa abantu 350400, mu gihe abakirwaye ari 1285, abishwe na Covid-19 bo ni 349.

Facebook Comments Box
Sangiza abandi iyi nkuru................

Leave a Reply

Your email address will not be published. Required fields are marked *