Abantu barenga 18.000 bashyize umukono ku cyifuzo gisaba ko icyamamare cyo muri Tanzaniya cyakurwa ku rutonde rw’abahatanira ibihemboBET awards byo muri leta zunze ubumwe za Amerika.
Diamond Platnumz, umwe mu ba byamamare bikomeye muri Afurika, yiteguye kuba umuhanzi mpuzamahanga witwaye neza muri uyu mwaka yegukana igihembo cya BET.
Ariko hari benshi batabimwifuriza kuko basanga atandukanye cyane n’abaherutse gutsindira ibi bihembo bya BET nka Davido na Burna Boy, “kuko bo bakoresha imbaraga zabo n’ukwamamara kwabo barwanya akarengane nk’aho biherutse kugaragar mu nkubiri y’ imyigaragambyo ya #EndSARS yo muri Nijeriya umwaka ushize.
Abarwana Diamond bavuga ko yari inshuti na Perezida Magufuli kandi kuri bo yari umunyagitugu.
NairobiNews ivuga ko Diamond Platnumz yari ashyigikiye byimazeyo nyakwigendera Perezida John Magufuli, kandi ko zimwe mu ndirimbo ze zakoreshejwe mu bikorwa byo kwiyamamaza ‘ishyaka riri ku butegetsi umwaka ushize.
Magufuli wapfuye muri Werurwe, yashinjwaga kuniga ubwisanzure bw’itangazamakuru no gutoteza abatavuga rumwe n’ubutegetsi.
Uru rubuga ruvuga ko nibura umudepite umwe – Depite Nusrat Hanje – yirengagije ibishinjwa Diamond maze atera intambwe ajya kumureba amubwira ko “Turi gusenga ngo utsindire iki igihembo”.
