Kenya: Amajwi y’abatoye umukuru w’igihugu yateranyijwe nabi

Visi-Perezida wa komisiyo ishinzwe amatora muri Kenya, Juliana Cherera, yari umwe mu bakomiseri bane banze kwemeza ibyavuye mu matora ya perezida byatangajwe ku wa mbere.

Mu kiganiro n’abanyamakuru yongeye gusobanura ibitaragenze neza muri aya matora anavuga ko ariyo mpamvu yitandukanyije nayo.

Yavuze ko uramutse uteranyije ama ijanisha ry’amajwi y’abakandida bose nk’uko byatangajwe na perezida wa komisiyo, Wafula Chebukati, amajwire arenga ijanisha ry’100% akagera ku 100.01%.

Uyu akomeza avuga ko abavuag ko amatora yabayemo uburiganye bahabwa agaciro n’ibirego byabo bikakirwa.

Juliana Cherera yongeraho ko ibyavuye mu matora y’umukuru w’igihugu bitagaragaza imoikorere y’abakomiseri kuko ibyavuye mu matora bagombaga kubitunganya mbere yuko bitangazwa bakabyemeranyaho ariko ibi ntibyigeze biba.