Polisi y’Iihugu yahinduye umuvugizi wayo imugira ACP Boniface Rutikanga, asimbuye CP John Bosco Kabera wari umaze imyaka itanu kuri uyu mwanya.
Umuvugizi wa polisi mushya ACP Boniface Rutikanga, yagaragaga cyane mu bikorwa by’ubukangurambaga bya polisi nka Gerayo amahoro, mu kurwanya inkongo z’umuriro n’ibindi. Ubu akaba yari ashinzwe ishami rirebana n’ibikorwa by’abajya mu butumwa bw’amahoro bw’umuryango w’abibumbye.
Mu itangazo polisi y’Igihugu yacishije ku rubuga rwayo rwa twitter, ivuga ko ACP Boniface Rutikanga ariwe ukuriye ishami rishinzwe Itangazamakuru n’Inozabubanyi, akaba n’Umuvugizi mushya wa Polisi y’u Rwanda.
Gusimbuza CP John Bosco Kabera, ni zimwe mu mpinduka zikomeye zikozwe muri polisi y’Igihugu nyuma y’igihe gito n’uwari muyobozi wayo CG Dan Munyuza, asimbujwe, CG Namuhoranye Felix.
CP John Bosco Kabera, yabaye Umuvugizi wa Polisi mu mwaka wa 2018 asimbuye CP Theos Badege ni umwe mu bavugizi ba polisi y’Igihugu bavuzwe cyane kubera umwanya bahawe mu itangazamakuru mu gihe cyo kurwanya no kwirinda icyorezo cya Covid-19
